Este sábado celebrouse a primeira xuntanza deste mandato do Consello Local da Xuventude nas dependencias da Casa do Concello do Grove. Nesta xuntanza estiveron presentes as asociacións xuvenís Enxebre, Xuventude Comunista, Galiza Nova e Novas Xeracións.

Na reunión tratouse primeiramente o borrador de propostas de actividades a realizar pola Concellaría de Xuventude, e que próximamente serán presentadas ao  conxunto da mocidade local. Como segundo punto, falouse sobre o regulamento do CLX e a necesidade de crear unha dinámica de traballo deste órgano consultivo para que a mocidade local vexa no CLX unha ferramenta de participación útil ara os seus intereses.

O concelleiro de xuventude Xan Lamelas enfatizou a necesidade de que os colectivos xuvenís existentes participen activamente no Consello como camiño cara a democracia participativa e como ferramenta necesaria para mellorar a situación da mocidade no Grove.