O local cambadés quedouse pequeno na presentación de Salgadoiro de queixo e mozzarella, a primeira obra do economista cambadés Exidio Cuiñas, que sae á rúa baixo o selo de Todogrove Edicións. Ademais do autor, do editor e do prologuista, o acto contou coa participación dos membros da Escola Municipal de Teatro de Cambados, que interviron caracterizados como os persoaxes que toman parte da novela, respostando eles mesmos ás preguntas do público.

VER FOTOGRAFÍAS

Texto e fotos: L. Prieto

Cuiñas amosouse moi satisfeito ante a gran acollida de público que tivo esta súa primeira novela, que segundo as súas propias verbas “narra a dualidade humana, a través de episodio reais e ficticios”. Foron moitas as caras coñecidas da vida social e cultural da comarcas as que se deixaron ver durante a presentación.

O libro xa se poder mercar nas librarías do Salnés por 12 euros, e a vindeira semana distribuirase a toda Galicia.