O Club Piragüismo Ogrobe ven de presentar recurso de reposición contra a baixa do REDIM acordada o 7 de maio polo Xunta de Goberno Local do Concello do Grove. O recurso foi elaborado polos avogados do Movemento pola Defensa dos Dereitos Civís e como paso previo a acudir a vía Contencioso- Administrativa que, que en palabras de Filipe Besada “seguro, e dada a arrogancia do goberno cuatripartito, nos veremos obrigados a acudir”.

Redacción | Foto: M. Muñiz 

A baixa do REDIM do Club Piragüismo Ogrobe veu motivada pola negativa da entidade a presentar os estatutos e as memorias de actividades da entidade dende o ano 1999 que lles foron solicitades nun requirimento de documentación realizada polo Concello do Grove a esta entidade, posto que, entenden dende o club que “xa demos cumprimento ao recollido no Regulamento Orgánico do Concello do Grove ao respecto da renovación da inscrición da nosa entidade no REDIM”.

Ademais o Club Piragüismo Ogrobe está a preparar un dossier con toda a documentación dos conflitos que manteñen co cuatripartito para solicitar ás executivas comarcais, autonómicas e nacionais do PSOE, BNG e EU para que insten aos portavoces no Concello do Grove de ditas forzas políticas a que “cesen na persecución do dereito da asociación que lle asiste ao Club Piragüismo Ogrobe recoñecido no artigo 22 da Constitución Española”. Remata Besada  que os portavoces destes partidos “están máis preocupados por manter os seus soldos, sustancialmente superiores aos que obtiñan nas súas actividades privadas, que por protexer os dereitos máis fundamentais que lle asisten aos cidadáns”.