Este venres a partir das 20 h no centro de Ioga Ajñâ dará comezo o curso de risoterapia destinado a mulleres e homes e que ten como finalidade “abrirnos a un novo estado de conciencia, para modificar o noso estado de ánimo habitualmente estresado”, indican dende a concellería.

Redacción | Foto: M. Muñiz

Este xa é o segundo curso de risoterapia que organiza a Concellería de Igualdade e Benestar ao igual que o celebrado a semana pasada sobre sexualidade. O concelleiro responsable desta área, Carlos Álvarez Besada, informou que “as novas actividades terán unha apertura para que os homes tamén poidan participar como é nos casos de algúns cursos de ximnasia e outras actividades propias da concellería, neste caso poñeremos en marcha un novo programa dirixido a xente maior que publicitaremos ns vindeiros días”.