A instancias do Partido Galeguista Demócrata (PGD), a corporación grovense acordou por unanimidade render homenaxe ao recentemente falecido intelectual galeguista dándolle o seu nome a unha rúa, rotonda ou outro tipo de infraestrutura do municipio na inusualmente breve e exenta de polémica sesión plenaria celebrada na noite deste xoves.
O presidente de Portos de Galicia, José Juan Durán, preferiu non falar de prazos no tocante á futura ampliación do porto do Corgo, unhas obras sobre as que é partidario de que sexan acometidas pola “iniciativa privada”, xa que o ente público non vai destinar recursos a “outra cuestión” que non sexa a “mellora das condicións de traballo” dos profesionais do mar.
O inicio da segunda volta da Liga Galega deparou un novo derbi comarcal e, ao igual que sucedera no encontro de ida, foi o CB O Meco o que se levou a vitoria. O CB Grove mandou no marcador durante os tres primeiros cuartos, pero nos últimos dez minutos, os homes de Manu Bello sacaron de casta e lograron darlle a volta ao resultado. O Meco ocupa a sexta praza, igualado co Xuven, namentres os de Manuel Sanmartín seguen pechando a clasificación sen coñecer a vitoria.
Despois de tres anos nos que os exames de vixilancia da saúde do persoal municipal non foran levados a cabo, o que motivou a rescisión do contrato coa anterior empresa responsable desta cuestión, este martes comezaron a realizarse os recoñecementos médicos aos traballadores do Concello.
Na tarde do luns celebrouse na Casa da Cultura unha nova xuntanza para informar á veciñanza da posibilidade que unha disposición transitoria da LOUGA outorga para que construcións sen licenza poidan obter a declaración de “incursión de situación legal de fóra de ordenación”.
No entorno de Beiramar construirase nos próximos meses, co financiamento da Deputación, unha rotonda que, como destacou o Concello, “distribuirá o tráfico máis axilmente e con maior seguridade” no acceso á explanada portuaria.
Segundo as estimacións feitas pola Deputación de Pontevedra, o suba do tipo impositivo do Imposto de Bens Inmobles (IBI) recentemente aprobada polo Concello do Grove suporá un incremento de 230.000 na recadación da administración municipal.
A Policía Local de Vigo detivo na tarde do xoves a un home natural do Grove despois de que insultase, ameazase e intentase agredir a un axente deste corpo no Hospital Xeral desta cidade.
A Concellería de Cultura vén de facer público o programa do Entroido 2012, que se desenvolverá na vila entre o 16 e o 26 de febreiro e que este ano se define como unha homenaxe ao recentemente falecido Manuel Rodríguez Juncal, El Zorro.
A Axencia de Protección da Legalidade Urbanística (APLU) desestimou o recurso presentado polo Concello contra a orde de demolición deste local social. Coa vía administrativa esgotada, ao Concello só lle queda acudir aos tribunais ou acatar a resolución. “Loxicamente, nós temos que defender á zona”, afirmou o alcalde ao respecto.
